تعلم اللغة الإنجليزية بالدارجة - english bdarija

هذا الوصف ل تعلم اللغة الإنجليزية بالدارجة - english bdarija

هذا تطبيق لتعلم اللغة الإنجليزية بالدارجة المغربية، فريد من نوعو و درناه للمغاربة خاصة، و للعرب عامة.
1- أولا هاد تطبيق كايشرح دروس اللغة الانجليزية بالدارجة خلافا لما هو معمول به فأغلب تطبيقات و لمواقع، وسبب هو أنني بغيت نوجه تطبيق للمغاربة فقط، وبغيتهوم يتعلمو بلغتهم بعيد على العربية الفصحة لي ربما ماغاتساعدش فايصال معلومة بحال دارجة زوينة ديالنا.
2 - كل درس معرف بواحد أيقونة على شكل وجه ديال شي حيوان معين، وهاد قضية غاتخليك كمستخدم للتطبيق
تتفكر درس بمجرد تذكرك لذلك حيوان بحيث غايكون ربط لا واعي بين ما هو مكتوب وما هو مرئي بواحد طريقة ساحرة.
3- خلافا لتطبيقات العقيمة لي مافيهاش نشاط، قررت ندرج موسيقى مع كل درس بحيث تقدر تقرا و نتا كاتسمع موسيقى ويلا كنتي من ناس لي مايقدرش يركز مع موسيقى فتقدر ماتخدمش موسيقى أصلا، وحتى يلا خدمتيها تقدر توقفها وقتما بيتي ، كل درس عندو موسيقى ديالو، غاتعاونك هاد قضية ايضا باش تستمتع ونتا كاتقرا و نفس وقت تفرق بين دروس اللغة الإنجليزية حسب موسيقى. وهذا يعني انك غاتفهم وتستوعب بدون ملل.
4 - تطبيق مرفوق برابط مجموعة vip واتساب خاصة بناس فقط لي عندهوم تطبيق بحيث نتواصلو تماك ونزيدو نتناقشو و نشطو و نحطو تمارين فاللغة ونصحوهوم، لمهم تماك غايكون مجتمع مهتم نخلقو جو زوين بيناتنا. نتمنا ناس لواعرين فالانجليزية ينضمو لينا باش يعاونو دراري و لبنات لي باغين يتعلمو.
5 - تطبيق جاي بموض ليلي والوان مريحة للعين ، باش ماضرش عينيك فحالة كنتي اتستخدم تطبيق فاليل.
6 - تطبيق فيه قسم خاص بالفيديو، جمعت فيه أحسن قنوات لي ممكن تتعلم منها اللغة الإنجليزية بسهولة بحال قناة zamerican english و قنوات أخرى ستافدت منها شخصيا.
7- تطبيق فيه قسم
خاص بأحسن الكتب العربية pdf لتعليم اللغة الإنجليزية برابط مباشر للتحميل من تطبيق لتلفونك نيشان.
8- تطبيق درت فيه قسم خاص بأحسن تطبيقات اندرويد لي ممكن تستعملها باش تتعلم اللغة الإنجليزية بإتقان أكبر.
لموهيم فالأخير تطبيق مصنوع اولا للناس لي كايقراو فتانية باكالوريا، خصوصا قسم الكور بدارجة، ولكن هذا لا يمنع انه اي شخص يشارجيه حيث نفس دروس غايحتاجها اي شخص ، بالاضافة ان قسم قرا ليك و قسم تعلم أكثر غايختاصرو عليك الوقت فالبحث ، مجرد كليك اتمشي نيشان لمصادر معلومات رائعة جمعتها بعناية.
شكرا و نتننا من قلبي تستمتعو و تعلمو و لقاءنا نشاء الله فالمجموعة الواتسابية ههه