EmergencyQRCode

هذا الوصف ل EmergencyQRCode

بتوجه بالشكر للعبقري صاحب الفكرة البشمهندس محمد أيوب انه سمح ليا أطبق الفكرة بتاعته واضيف عليها💙🙏
فكرة الابليكشن اللي طورته هي عبارة عن رمز أو كود للطوارئ ( QR code) هيبقي فيه
🔰اسمك
🔰رقم تليفون أقرب حد ليك (الأب، الأم، أخوك الكبير)
*وده هنحتاجه عشان لقدر الله لو حصل( حادثة أو إغماء أو فقدان مؤقت للذاكراة)الشخص اللي معاه الميدالية او الماتريل المطبوع عليها الكود يقدر يعمل مسح ليها (scan) ويتواصل مع أهلك وخصوصة أغلب موبايلاتنا بتبقي مقفولة بباسورد أو حتي فصلت شحن
🔰فصيلة دمك
*عشان اوفر وقت واقدر ازودك بأكياس الدم بسرعة
🔰ملاحظات طبية آخري (Medical History)
*لو عندك حساسية من أدوية معينة زي Penecilin / ضغط /سكر
أقدر ازود بيها المسعف او هو يعرفها من الرمز ده ويبدا يتعامل ويتخذ الاجراءات علي الاساس ده.
🌟الاستخدام التاني للرمز QR🌟
لو حد كبير عنده الزهايمر (Alzheimer) لو تاه مني في مكان كبير، أي حد يشوف الرمز ده يتعرف عليه ويتواصل مع أهله
🌟الاستخدام التالت🌟
طفل اختفي في مكان زحمة، مش لازم اصوره وانزله علي الجروبات، بكل بساطة افتح برنامج اسمه QR code Reader واعمل فحص للرمز ده هيظهر ليا رقم والداه وهتواصل معاه بسهولة واسلمه الطفل
🌠آخر حاجة انا صممت التطبيق بالعربي عشان يوصل لكل الناس وتدخل البيانات بسهولة وتاخد الكود الخاص بيها وتقدر تطبعه علي ميدالية او استيكر وتلزقه في ال cover بتاع الموبايل.
🌹أتمني إني افيد الناس بالعلم اللي اتعلمته والتطبيق اللي عملته يساعد في انقاذ حياة ناس كتير سواء أطفال أو كبار وأي حد يحتاج أي مساعدة فيه أو عنده أفكار حابب يضيفها يتواصل معايا وانا هنزل تحديث بالحاجة الجديدة دي.
(لازم نت عشان البرنامج يشتغل)
وبتوجه تاني بالشكر للعبقري البشمهندس محمد أيوب علي الفكرة الجميلة 💙🙏